الشحن والدفع والاستبدال
الشحن
بنشحن لكل محافظات مصر خلال 2 لـ 4 أيام عمل بعد تأكيد الطلب تليفونيًا.
الدفع
الدفع كاش عند الاستلام. من حقك تفتح الشحنة وتعاين القطعة قبل ما تدفع.
الاستبدال
لو فيه أي عيب صناعة، تقدر تستبدل خلال 7 أيام من الاستلام. كل قطعة بتتصور قبل التغليف عشان نضمن حقك وحقنا.
العناية بالقطعة
عشان القطعة تفضل لامعة: بعّدها عن المية والبرفان والكريمات، والبسها آخر حاجة بعد ما تخلّص لبسك ومكياجك. اقلعها قبل الشاور والرياضة، وشيلها في علبتها أو كيس قماش لوحدها عشان متتخدشش من القطع التانية، وامسحها بقماشة ناعمة ناشفة.
دليل المقاسات
الخواتم
أسهل طريقة: هات خاتم بيلبس عليك مظبوط، وقيس القطر من جوه بالمسطرة. أو: لف خيط حوالين صباعك عند العُقلة، علّم مكان ما يتقابل، وقيس طوله بالمسطرة ده المحيط.
| المحيط (مم) | القطر من جوه (مم) | المقاس الأوروبي | المقاس الأمريكي |
|---|---|---|---|
| 49.3 | 15.7 | 49 | 5 |
| 51.9 | 16.5 | 52 | 6 |
| 54.4 | 17.3 | 54 | 7 |
| 57.0 | 18.1 | 57 | 8 |
| 59.5 | 18.9 | 60 | 9 |
| 62.1 | 19.8 | 62 | 10 |
| 64.6 | 20.6 | 65 | 11 |
قيس بالليل أو بعد مجهود، لأن الصباع بيكبر شوية. ولو بين مقاسين خد الأكبر.
الانسيالات والساعات
لف شريط مقاس (أو خيط وقيسه بالمسطرة) حوالين رسغك تحت عضمة الإيد على طول. وبعدين:
- ضيق على الإيد: زوّد 1 سم.
- مريح (الأشهر): زوّد 1.5 لـ 2 سم.
- واسع وبيتحرك: زوّد 2.5 لـ 3 سم.
أغلب الرسغ الحريمي بين 14 و17 سم، والرجالي بين 17 و20 سم.
السلاسل
- 40 سم: على أول الرقبة.
- 45 سم: على عضمة الترقوة، وده الأشهر.
- 50 سم: تحت الترقوة بشوية.
- 60 سم: على الصدر، حلوة فوق الهدوم.
لو المقاس مش مكتوب في تفاصيل القطعة، اكتب مقاسك في "ملاحظات" وانت بتطلب، وهنأكد معاك قبل الشحن.
محتاج مساعدة؟
ابعتلنا رسالة على صفحتنا.